Гутереш ги осуди израелските напади врз хуманитарните центри и бегалските кампови во Газа

Генералниот секретар на ОН, Антонио Гутереш, ги осуди израелските напади врз камповите за раселени лица и центрите за помош во Појасот Газа и е ужаснат од хуманитарната криза во енклавата, изјави денес неговиот портпарол Стефан Дижарик.

„Генералниот секретар е ужаснат од продлабочувањето на хуманитарната ситуација во Газа. Повеќекратните напади во последните денови, кои ги погодија местата каде што се сместени раселени лица и луѓето кои се обидуваат да добијат храна, убија и повредија десетици Палестинци. Генералниот секретар ја осудува загубата на цивилни животи“, рече Дижарик.

Дизарик рече дека, за еден ден оваа недела, наредбите за присилно раселување на Израел принудија речиси 30.000 Палестинци да избегаат, иако немаа безбедно место за засолниште, ниту соодветни залихи, објави Ал Џезира.