Полицијата во БИХ објави дека синоќа во САраево во реката Миљацка, пронајдени се две безживотни тела.
„Ноќеска пред полноќ полициската станица Стари Град прими пријава дека во Миљацка во коритото е воочено тело. Патролата која излегла на терен ги потврдила наводите од пријавата. На теренот се упатени припадници на полиција, пожарникари, итна помош. Во 1:30 часот извадено е тело на жена во средна животна доба, а покрај неа, и тело на дете до четири години“, соопштија од полицијата.
Лекарите само можеле да констатираат смрт на двете лица. Дел од медиумите пишуваат дека на двете тела немало траги на насилство.