Вчера околу 10 часот наутро, австриската полиција примила неколку итни повици. Во средното училиште БОРГ на улицата Драјершиценгасе во Грац се слушнале истрели.
„Дојдете брзо, некој пука во сите правци“.
Сведоштвата и видеата покажуваат панични средношколци како се кријат под своите клупи, додека во позадина постојано се слушаат истрели. Експлозивите одекнуваат низ белата, повеќекатница со 20 училници, додека наставата сè уште е во тек. Стотици луѓе се наоѓаат во училиштето во тој момент.
Наставничка се крие со своите ученици и му се јавува на сопругот: „Безбедни сме, но ситуацијата е драматична. Постојано се пука.
Некои се преправаа дека се мртви, некои првично мислеа дека се петарди, а многумина им се јавија на своите родители, се збогуваа и им кажаа дека ги сакаат. Дури и ранетите деца посегнаа по мобилните телефони.
Артур А., 21-годишен Австриец од Калсдорф во близина на Грац, извршил масакр за 15 минути. Тоа било во училиштето што самиот го посетувал, но никогаш не го завршил. Бил регистриран како невработено лице. Без никакви пречки, влегол во две училници, од кои едната наводно била неговата поранешна, и почнал да пука со пиштол и пушка, кои легално ги поседувал. Пукал ладнокрвно одново и одново, насочувајќи се кон учениците и наставниците. Телата на ранетите и убиените паѓале на земја, крварејќи, некои истрелани во главата.
Во исто време започнува најголемата полициска и спасувачка операција во историјата на Штаерска. Бројни полициски единици и специјални сили од единицата Кобра брзаат кон училиштето, полициски и спасувачки хеликоптери полетаат, а Црвениот крст испраќа 65 возила. Кога првите полицајци во шлемови и панцири влегуваат во училиштето, напаѓачот си пука во главата во училишниот тоалет.
Полицијата во соопштението наведува: „Безбедноста е воспоставена по 17 минути“. 21-годишникот дотогаш не ѝ бил познат на полицијата. Во неговиот стан е пронајдено проштално писмо. Тој тврди дека бил жртва на малтретирање и најверојатно сакал одмазда.
Heute.at пишува дека покрај самоубиствената порака, убиецот оставил и видео за својата мајка. Самоубиствената порака е пронајдена во куќата каде што живеел 21-годишникот во предградие на Грац, но писмото не дава јасен мотив за злосторството.
Тој, исто така, снимил видео дома, објавува Хојте, кое потоа ѝ го испратил на мајка си. Во него, тој го објавил злосторството и изјавил дека дејствувал „по своја слободна волја“. Таа ја видела пораката на својот син 24 минути подоцна и веднаш ја известила полицијата. Но, предоцна. Дотогаш Артур веќе оставил крвава трага низ неговото поранешно средно училиште.
Истражителите потврдија дека на неговата домашна адреса е пронајдена и цевчеста бомба. Сепак, таа наводно не била функционална.
🔴 ALERTE INFO | Véritable cauchemar matinal à l’école.
— Atlantis 🇫🇷 (@AtlantisOff) June 10, 2025
En Autriche 🇦🇹 : Une dizaine d’élèves de 9-10 ans tués lors d’une fusillade dans une école de Graz
En France 🇫🇷 : Une surveillante d’un collège de Nogent en Haute-Marne rouée de coups de couteau par un élève est décédée pic.twitter.com/lIHKVXo0gV