Хрватите денеска ги бојкотираат маркетите, малите продавници и бензинските пумпи поради честите поскапувања

Во Хрватска за денеска е најавен бојкот на продавници, малопродажни синџири и бензински пумпи поради постојаното поскапување, врз основа на иницијативата што започна од Фејсбук групата „Halo inspektore”, зад која стои Европскиот центар за извонредност на потрошувачите (ЕЦИП), а во меѓувреме го поддржаа компаниите за заштита на потрошувачите, синдикатите, политичките партии, па дури и самиот министер за економија.

Оваа иницијатива започна со пораки кои беа споделени на социјалните мрежи во изминатите неколку дена.

„На 24 јануари во Република Хрватска има бојкот против високите цени на храната“.

Денеска им се препорачува на државјаните да не купуваат ништо.

„Однесувајте се како да е недела“, се вели во соопштението.

Паркинзите пред големите ланци на маркети денеска останаа празни. На бензинските пумпи можат да се забележат само вработените, јавуваат хрватските медиуми.

U Hrvatskoj je danas protest protiv prevelike i ničim opravdane skupoće bojkotom dućana. pic.twitter.com/nwqFClBtJD

— Vesna Rajnović 🌿 (@RajnovicVesna) January 24, 2025