И починаа сопругот и ќерката, синот и е болен – мајката Шерифе за да преживее продава баклава

ПОСЛЕДНИ ВЕСТИ

Вода во бубрезите, господ да ти помогне сине!
-Дали си денеска подобро?
Малку, но не!

Ова е 24 годишниот Љумјан Шабедини, кој е хоспитализиран.

Со неговата мајка комуницира преку Вибер.

„Ајде со добро срце мое, ќе разговараме покасно.“

Мајката Шерифе најдобро ја отсликува блузата која ја носи. Таа е и маж и жена во домот. Нејзиниот сопруг починал пред 7 години. Како тоа да не било доволно, починала и нејзината 30 годишна ќерка. А за да биде болката уште поголема и нејзиниот единствен син е болен. Лекарите велат дека бубрезите му се оштетени и полни со вода, и треба да се прати во странство за лекување. Кога зборува за нејзините маки мајка Шерифе не може да ги запира солзите.

„Додека ме носат нозете, ќе се грижам за синот за да го видам и него на нозе, ништо друго не сакам. Би спиела и на улица, само да го видам синот како оди како другарите. Со солзи ги имам пораснато.“, рече Шерифе Шабедини.

За да ги купи потребните лекови за синот, таа продава баклава на скопскиот пазар.

Дали работите?
„Не, сега за сега ништо. Зготвив 2-3 баклави и ги продадов. Купив прехранбени производи. Не уапеав да ги соберам парите за болницата. Не знам што ќе направам.“

Мајка Шерифе бара да се собираат пари за да може да го испрати синот на лекување во странство. Семејството живее под кирија во центарот на Скопје. Освен семејната пензија немаат никакви други приходи, а целата пензија им оди за киријата.

Телефонски број: 070-838-709