Португалија е уште една земја што вчера ја призна државата Палестина.
Португалскиот министер за надворешни работи Пауло Рангел изјави дека Португалија е за решение со две држави како единствен пат кон траен мир.
„Итно е потребен прекин на огнот“, рече Рангел, но додаде дека Хамас не може да има никаква контрола во Газа или надвор од неа, барајќи ослободување на сите заложници.
Тој, исто така, рече дека признавањето на државата Палестина „не ја брише хуманитарната катастрофа во Газа“, осудувајќи ја состојбата на глад, уништување и проширување на израелските населби на Западниот Брег.
Претходно денес, Велика Британија, Канада и Австралија, исто така, официјално ја признаа палестинската држава.