После изјавата на министерот за одбрана Александар Вулин кој на Стево Пендаровски му порача да „молчи на јазикот кој не му го признава никој, освен Србија“ за прашањето на Косово и Србија, со коментар денеска и претседателот Александар Вучиќ.
Тој во изјава за телевизија „Прва“ рече дека уште одамна го замолил претседателот Стево Пендаровски да не зборува за темата Косово и Србија, но тој не го послушал.
„Србија се наоѓа во многу неедноставно опкружување. Единствена работа која го замолив Пендаровски на инаугурацијата беше да не зборува за темата Косово и Србија. Тие нормално, спротивно од тие молби направија сѐ да се истакнат во тоа умилкување кон Германија“, рече Вучиќ за „Прва“ и додаде дека му е јасен ставот Северна Македонија да ја признае независноста на Косово.