Аеродромот Каструп во Копенхаген рано утринава беше привремено затворен за авиосообраќај, откако маж со украден Ленд Ровер ја проби безбедносната ограда и влегол во безбедното подрачје на аеродромот. Полицијата веднаш реагирала и започнала потера, а вооружени аеродромски службеници со беспилотни летала го пребарале аеродромот.
Воздухопловните операции продолжија околу 06:00 часот, кога беше оценето дека осомничениот повеќе не е на аеродромот. Полициски патроли и понатаму се присутни на теренот, а потрагата по осомничениот е во тек.
Автомобил со шведска регистрација, кој бегаше од полицијата, удри во ограда на аеродромот Каструп околу 03:30 часот. Потерата траела неколку часа, а поради тоа аеродромот го затворил воздушниот простор.
Портпаролката на аеродромот Каструп, Џули Бол, рече дека аеродромот соработува со полицијата и дека добил дозвола за повторно отворање. Аеродромот во Копенхаген потврди дека маж, кого полицијата го гонела, ја пробил оградата во близина на пистата и потоа побегнал внатре во аеродромот.
Flere udrykninger til Københavns Lufthavn efter meldinger om brand.
— Presse-fotos.dk (@pressefotosdk) February 18, 2025
Læs mere her: https://t.co/Se2gMm33yF pic.twitter.com/N3XzBH7hlD