Иранската војска денеска соопшти дека во воздушни напади погодила седиште на полицијата и центар за сателитска комуникација во Израел.
Во соопштението, пренесено од иранските медиуми, се наведува дека иранските сили утрово извеле „моќни напади со дронови“, насочени кон седиштето на израелската специјална полициска единица „Лахав 433“, како и кон одбранбениот центар за сателитска комуникација „Гилат“, пренесува Ал Џезира.
Не е прецизирано каде точно се наоѓаат објектите кои биле цел на нападот во Израел, ниту какви биле резултатите од нападот.