Ирскиот олимпиец Даниел Вифен, кој освои два медали на Игрите во Париз, денеска изјави дека морал итно да биде пренесен во париската болница два дена по трката на далечинско пливање во реката Сена поради „стомачна бубачка“.
Победникот на 800 метри слободно и бронзениот медалист на 1500 метри требаше да го носи ирското знаме на крајот, но не го сторија тоа.
„Благодарам на сите што поддржавте. Неверојатно сум разочаран што синоќа ја пропуштив шансата да бидам знаменосец“, напиша денеска Вифен на мрежата Х.
„Вчера брзав во болница бидејќи бев многу болен од некоја инфекција од која се лекувам и сега се чувствувам подобро“, додаде тој.
Thanks everyone who reached out, I’m incredibly disappointed to miss out on the opportunity to be flag bearer last night.
— Daniel Wiffen (@WiffenDaniel) August 12, 2024
Yesterday I rushed to hospital as I was very unwell with a bug that I am being treated for, and am feeling better now. I hope everyone enjoys the evening…
Вифен во петокот се натпреваруваше и во пливање на 10 километри за мажи во реката Сена, завршувајќи на 18-то место за еден час и 58 минути.
Тој самиот не ја поврзал својата болест со водата, а организаторите потенцираат дека здравствените проблеми не можат автоматски да се препишат на реката.
Најмалку тројца спортисти од повеќе од 100 кои учествуваа во машкиот и женскиот триатлон на 31 јули пријавиле болест откако влегле во Сена за време на пливачкиот дел од натпреварот.
Меѓу нив беше и белгиската триатлонка Клер Мишел, на која исто така и беше потребна лекарска помош по повраќање и дијареа од вирус во текот на три дена.
Реката Сена беше зафатена од проблеми со загадувањето за време на Олимпијадата и покрај модернизацијата од 1,4 милијарди евра за подобрување на системот за канализација и третман во Париз, објави француската новинска агенција АФП.
Од 11-те дена настани и тренинзи кои организаторите ги планираа во Сена, само пет од нив добија зелено светло.