Зоран Јовановски испиша историја откако стана првиот зимски параолимпиец од Македонија кој настапи на Зимските Параолимписки игри Милано-Кортина 2026.
Јовановски настапи во дисциплината слалом седење и иако стигна до целта во тешки временски услови, на крајот беше дисквалификуван поради промашена капија, па остана без официјален резултат.
Со овој настап, Јовановски го означи првото учество на земјата на Зимските параолимписки игри, што претставува значаен момент за македонскиот спорт и за развојот на параолимпиското движење во државата.