Премиерот пешачеше 500 метри за да види што сработил градоначалникот Шилегов.
Па се фатија за лопата.
ТВ21: Премиере, тешко по кошула?
Зоран Заев: А не, трениран сум јас. Не сме биле секогаш премиери.
Садеше и неговата заменичка Лукаревска, но премиерот остана во мисла…
Зоран Заев: Ако поминат од ВМРО, ќе го земат.
ТВ21: На некоја зелена партија да не атакувате? Некои промени кои што денеска се најавуваат?
Зоран Заев: Денеска ќе видиме што ќе се случува.
Но, изгледа премиерот го збунивме. Па наместо Ден на животната средина…
Зоран Заев: Денеска е ден на Екологијата
На премиерот садењето му се допадна, па сакаше уште. Но се беше веќе засадено, па за да се исполни премиерската желба, се корнеа и одново засадуваа цвеќиња.
Зоран Заев: Ајде Петре сега и ти.
Петре Шилегов: Нема каде…
Зоран Заев: Па еве тука, гледај како ти е напеналено.
Зоран Заев: Е така, да оставиш трага една. Директно! Најнепосредно!
Садењето му се допадна, па пред медиумите рече Шилегов и наш фаворит.
„Јас верувам дека има изградено сериозно висок рејтинг, заради тоа што се работеше и во време на пандемија и во време на референфум и на претседателски и на парламентарни избори…“, порача Заев.
На повеќе од четири месеци до локални избори, политичарите ја почнаа кампањата. Премиерот изминатава недела присуствуваше на неколку настани низ Македонија, а опозициската партија ВМРО-ДПМНЕ пак има постојани средби со граѓаните на терен.
ДУИ и Али Ахмети на настан во Липково дадоа поддршка на тамошниот градоначалник, а БЕСА има непотврдени информации дека лидерот Касами ќе се кандидира за градоначалник на Тетово.
Останува дилемата со каков модел ќе одиме на локалните избори и дали партиите ќе постигнат согласност за воведување на отворени листи.