„Каква и да е, моменталната влада во Бугарија е подобра од преодната влада“, рече Наумовски

Васко Наумовски, поранешен амбасадор на Македонија во САД, во „Дејли Клик“ зборуваше за ситуацијата и спорот на нашата земја со Бугарија.

Наумовски рече дека и по официјалното стапување на функцијата на Доналд Трамп, нема да биде првата работа со која ќе се зафати новата администрација, но дека истата ќе дојде на дневен ред, и очекува охрабрување од сите страни за да се направи исчекор на патот на Македонија кон ЕУ.

„Очекувам да дојде кон охрабрување на сите страни во некои спорови, околу обеднување на целиот континент. Тоа нема да биде првта работа со која ќе се зафати новото раководство, но ќе дојде до приоритет и тоа, и предизвиците за ЕУ. Сведоци сме дека определени поединци во САД, како и самиот тим на Трамп се заинтересирани за изборите во земјите членки на ЕУ. Верувам дека со едно пријателско охрабрување може да напоравиме исчекор. Имаме нова влада во Бугарија, и покрај тоа што прогнозите велат дека нема да го издржи целиот мандат, и може многу брзо да дојде до промени. Сепак, каква и да е подобра е од таа преодна влада или воопшто да нема влада. Сега може да се преговара и да се најде решение околу тој спор“, рече Наумовски.