Руските сили го претрпеа најсмртоносниот ден од почетокот на сеопфатната инвазија на Украина, објави Киев. Според Генералштабот на вооружените сили на Украина, московските војници вчера загубиле 1.950 луѓе, надминувајќи го претходниот рекорд од 1.770 луѓе само еден ден претходно. Вкупниот број руски загуби е 712.610, пренесува Киев Индипендент.
Овие бројки се во голема мера во согласност со западните проценки, а генералниот консензус е дека тие вклучуваат мртви, ранети, исчезнати и заробени.
Овие зголемени загуби се случија бидејќи руските сили го зголемија притисокот врз првите линии, но и поради почетокот на операцијата во Курск. Сојузниците на НАТО сметаат дека целта на Владимир Путин е да ја врати територијата изгубена во регионот Курск пред инаугурацијата на новиот американски претседател Доналд Трамп на 20 јануари.
Британското разузнавање проценува дека Русија ќе ги интензивира нападите со беспилотни летала врз украинските позиции, од новите локации за лансирање во близина на границата. Киев соопшти дека Русија распореди 50.000 војници во областа Курск, вклучувајќи и војници од Северна Кореја.