Во врска со водоснабдувањето во Специјалната болница за белодробни заболувања во Лешок, при денешната посета, министерот за здравство Сашо Клековски ги повика новинарите на непосреден увид во состојбата на самото место.
– Тоа дека водата не е за пиење не е тајна — станува збор за јавно објавена состојба која се однесува на сите чешми во болницата и во населеното место Лешок. Состојбата во Лешок е слична на таа во голем дел од руралните средини во земјава, кои се снабдуваат од бунари и локални водоводи. Во нив водата најчесто е неисправна за пиење поради бактериолошко загадување, особено во летните месеци, изјави министерот Клековски.
Тој појасни дека ваквата состојба во Лешок и во болницата трае од 2017 година, потенцирајќи дека до болницата се обезбедува вода за пиење од диспензери (апарати за вода), а хигиената е на највисоко ниво.
Специјалната болница во Лешок е сместена во нов објект од 2007 година и се грижи за пациенти со астма и ХОББ.По иницијатива на месната заедница Лешок, вложено е во решавање на овој децениски проблем и се очекува наскоро водата да биде соодветна за пиење.