Министерот за здравство, Сашо Клековски, изјави дека анализите на водата од градскиот водовод во Гостивар продолжуваат и ќе се вршат и во текот на викендот, поради што во моментов не може да се каже кога ќе биде укината забраната за користење на водата за пиење.
По посетата на Клиничката болница во Штип, Клековски посочи дека секојдневно се земаат примероци од повеќе кориснички точки и дека забраната ќе остане на сила сè додека не се добијат три последователни исправни резултати.
„Штом три примероци по ред бидат соодветни за консумирање, водоснабдувањето ќе биде пуштено во употреба. Во моментов водата може да се користи за други намени, но не и за пиење и подготовка на свежа храна“, изјави Клековски.
Тој нагласи дека не сака да шпекулира со рокови и потсети дека дури по три последователни исправни анализи, Агенција за храна и ветеринарство ќе може да ја укине забраната за употреба на водата за пиење.