Најбогатите 100 бизнисмени во регионот ја завршуваат годината со зголемено богатство за околу две милијарди евра, покажува најновото обемно истражување.
Ова рангирање е резултат на заедничка работа на еминентни медиуми од регионот: македонскиот економски портал Капитал, белградски Недељник, словенечки Finance, хрватски Лидер и босанското Ослобођење.
Македонија на оваа престижна листа има свои претставници кои управуваат со гиганти во фармацијата, металургијата, енергетиката и малопродажбата.
Врз основа на податоците од истражувањето, ова се најуспешните македонски бизнисмени рангирани меѓу стоте најбогати во регионот:
- Живко Мукаетов (Алкалоид) – вредност: 832.667.020 евра
- Илија Гечев (IGM Trade) – вредност: 617.686.488 евра
- Андреја Јосифовски (Макпетрол) – вредност: 602.038.132 евра
- Висар Јакупи и Алајдин Даути (Kipper Market) – вредност: 317.822.026 евра
- Гоце Камчев (КАМ) – вредност: 309.187.114 евра
- Слободан Кутревски (Пекабеско) – вредност: 293.236.756 евра
- Семејство Георгиев (Стокомак) – вредност: 284.414.969 евра
- Страшо Милковски (Гранит) – вредност: 235.602.251 евра
- Владимир Тодоровиќ (Тинекс) – вредност: 233.188.185 евра
- Драган Јанев и Милан Станиќ (Витаминка) – вредност: 228.919.936 евра
Топ 5 најбогати во регионот
На самиот врв на регионалната листа доминираат бизнисмени од Србија и Хрватска:
- Мирослав Мишковиќ (Delta Holding, Србија) – 3.811.403.812 евра.
- Семејство Костиќ (MK Grupa, Србија) – 2.918.891.445 евра.
- Силвио Кутиќ (Infobip, Хрватска) – 2.524.942.253 евра.
- Дејан Чакајац и Јадранка Степановиќ (Mozzart, Србија) – 2.075.373.994 евра.
- Петар Матијевиќ (MI Matijević, Србија) – 1.794.545.863 евра.
Истражувањето потврдува дека и покрај економските предизвици, најголемите корпорации во регионот продолжуваат да растат, при што македонските компании заземаат значајно место во секторите производство и трговија.