Утре вечер со почеток во 20 часот, на Арената „Тодор Проески“ се игра финалето во фудбалскиот куп на Македонија.
Екипите кои ќе се борат за пехарот се Шкендија и Силекс.
Судејќи според изјавите од двата табора, двете екипи подготвени го дочекуваат финалниот меч.
Во таборот на Шкендија владее оптимизам пред финалето, а тренерот Јетон Беќири потенцира дека неговиот тим ќе влезе максимално мотивирано.
Тренерот на кратовци Александар Васоски очекува тежок и неизвесен дуел против искусниот состав на Шкендија.