До крајот на оваа година околу 150 медицински сестри од Здравствените домови низ цела земја ќе се преселат во Германија, заради подобри услови, а особено за повисоки плати, предупредуваат од самостојниот синдикат на Специјализираната болница за геријатрија „13 Ноември“.
Велат дека Владата е нема за нивните барања, како што се пристојни плати, признавањето на високото образование за медицинските сестри и средното образование за негувателките.
Иако пред еден месец синдикатот постигна договор со Министерството за здравство за зголемување на платите на здравствените работници, истиот сè уште не е спроведен.
Од 1 мај синдикатот предупредува на протести, блокирајќи го целиот главен град, како што велат, од двата влеза и од Ѓорче Петров и од Автокоманда.
Прашавме и во Министерството за здравство дали ќе ги слушнат барањата на Синдикатот и колку е исполнето ветувањето за зголемување на платите на здравствените работници, но одговор не добивме.