Познатиот португалски фудбалер Кристијано Роналдо се почасти себеси и своето семејство со раскошен божиќен и новогодишен подарок.
Според светските медиуми, Кристијано Роналдо и неговата партнерка Џорџина Родригез купиле две вили на изолирани острови во Црвеното Море, откако наводно се заљубиле во природната убавина на областа, која често ја посетувале во минатото.
🚨 Cristiano Ronaldo and Georgina have bought two properties at the Ritz-Carlton Reserve Red Sea for around $8 million.
— TCR. (@TeamCRonaldo) December 23, 2025
The Island is a private one, accessible only by boat or seaplane. pic.twitter.com/CWUNyQNxjT
Веста ја објави гордиот инвеститор Ред Си Глобал, со пораката:
„Од гостин до сопственик на дом, фудбалската икона Кристијано Роналдо го избра Нуџума, резерват на Риц-Карлтон, за свој дом. Како дел од колекцијата #RedSeaResidences, Нуџума е една од најприватните островски дестинации во светот, дефинирана со својот врвен дизајн и регенеративен пристап.“
From guest to homeowner, football icon Cristiano Ronaldo has chosen Nujuma, a Ritz-Carlton Reserve, as his home at @VisitRedSea.
— Red Sea Global (@RedSeaGlobal) December 22, 2025
Part of the #RedSeaResidences collection, Nujuma is among the world’s most private island settings, defined by design excellence and a regenerative… pic.twitter.com/Kqn0KnHUuH
Џорџина Родригез, исто така, проговори за оваа инвестиција:
„Од нашата прва посета, почувствувавме врска со островот и неговата природна убавина. Тоа е место каде што се чувствуваме мирно. Сега кога имаме дом тука, можеме да поминуваме време со нашето семејство во целосен мир.“
До резиденцијата во луксузното одморалиште Нуџума може да се стигне само со брод или хидроплан, а островите се наоѓаат на околу 26 километри од копното.
Според медиумските извештаи, португалската ѕвезда потрошила околу осум милиони американски долари за овие два имота.