Заводот за трансфузија на крв на Србија и Здружението за рекреација и фитнес на Србија при БЕЛФИС утре од 11 до 16 часот во Атлетската сала во Белград ќе организираат доброволно дарување крв за да им помогнат на повредените во тешката несреќа на Железничката станица во Нови Сад.
Од Институтот за трансфузија потсетуваат дека утре во Заводот за трансфузија на крв ќе може да се дава од 8 до 15 часот и во два автобуса за трансфузија во Вождовац пред трговскиот центар „Стадион“ и во Нов Белград пред Делта Сити од 11 до 15 часот.
Доброволната крводарителска акција се спроведува за помош на сите повредени во несреќата што денеска се случи во Нови Сад, се вели во соопштението на Институтот.
Според последните податоци, најмалку 14 лица загинаа денеска во несреќа предизвикана од уривање на настрешницата на старата зграда на Железничката станица во Нови Сад.