Премиерот на Косово Албин Курти алармираше за нови терористички напади. Шефот на Владата на Косово изјави дека Милан Радоичиќ со припадниците на терористичката организација „Граѓанска одбрана“ подготвува нови напади кои, според Курти, не можат да се изведат без наредба на државниот врв на Србија. Курти истакна дека не сака повеќе да има војна и ова да заврши со нашата генерација. Премиерот Курти, давајќи детали за вежбите и планирањето што терористичките групи предводени од Милан Радоичиќ ги прават во близина на границата со Косово, рече дека плановите за напади се насочени кон дестабилизација на ситуацијата во Косово. Според него, тероризмот е предизвик за институциите, но нема воопшто шанси да победи во една демократска држава како што е Република Косово.
„По терористичкиот напад, Радоичиќ беше ослободен од српскиот суд во рекордно време, тој сега продолжува со подготовките за други напади во нашата земја заедно со неколку припадници на терористичката организација „ Граѓанска Одбрана“.Радоичиќ одржува постојани средби со високи функционери на БИА, просториите на компанија во Рашка, како и тие во Нови Пазар Пут се користат за засолнување и чување на возилата и експлозивните направи за следните напади од Радојчиќ и неговата група. Во оваа зграда се сместени неколку припадници на „ Граѓанска одбрана“ чиј инструктор е Углеша Јаридиќ. Сега е јасно дека ниту еден напад не може да се изврши без наредба на државниот врв на Србија. Тие ги предизвикуваат овие напади што се подготвени од нив, а за кои одредиле време и дале наредба да се преземат безбедносни мерки според нивните интереси и планови, а можеби и на Русија. Плановите за напади имаат за цел да ја дестабилизираат ситуацијата“, вели Курти.