Германскиот авиопревозник Луфтханза најави значително кратење на летови во текот на летната сезона, при што ќе бидат укинати околу 20.000 летови на кратки релации. Одлуката доаѓа како дел од мерките за намалување на трошоците, во услови на нагло поскапување на авионското гориво.
Авиокомпанијата се соочува со зголемен финансиски притисок, кој не е изолиран случај. Имено, голем дел од европските авиопревозници бележат раст на оперативните трошоци, пред сè поради нарушувањата во снабдувањето со нафта од Блискиот Исток. Оваа состојба веќе има директно влијание врз патниците, со оглед на тоа што цените на авионските билети се во пораст.
И покрај намалувањето на бројот на летови, од компанијата уверуваат дека патниците нема да останат изолирани, нагласувајќи дека нивната глобална мрежа ќе остане функционална и достапна.