Утре, 19 јуни во Матица Ексклузив во Скопје со почеток во 18 часот, ќе се одржи промоција на втората поетска збирка на Маја ДИ која го носи насловот „Меѓу две неба“. Ова е второ дело на авторката, кое носи искрени и емотивни песни за Македонија, иселеништвото, љубовта, мајчинството и животот помеѓу два света.
Маја ДИ живее и создава помеѓу две татковини – Македонија и Канада. Нејзината поезија произлегува од личното искуство на заминување, припадност, мајчинство, љубов и потрагата по внатрешен мир. Со искрен и препознатлив поетски глас, таа пишува за темите што ги допираат сите – домот, корените, загубите, надежта и човечката издржливост.
„Меѓу две неба“ претставува интимно патување низ спомените. Со искрени, зрели и длабоко човечки стихови, авторката го претвора личното искуство во универзална приказна за припадноста, надежта и достоинството. Ова е книга за сите што некогаш заминале, копнееле, простиле и научиле дека домот понекогаш не е место, туку чувство што го носиме во себе.