Македонија и натаму има едни од најниските цени на горивата во регионот, покажува споредбата на цените на бензинот и дизелот во соседните земји.
Според податоците за 31 август 2026 година, литар дизел во Македонија се продава за 95 денари, што е најниска цена меѓу седумте споредени земји. Следуваат Босна и Херцеговина со 106 денари, Србија со 121 денар, Црна Гора со 115 денари и Хрватска со 110 денари.
Најскап дизел во регионот има Албанија, каде литар чини 136,5 денари, додека во Грција цената е 125 денари.
Кај бензинот 95, најниска цена има Босна и Херцеговина – 92 денари за литар, а Македонија е веднаш зад неа со 94 денари. Во Србија бензинот чини 106 денари, во Хрватска 103, а во Црна Гора 108 денари за литар.
Највисоки цени на бензинот 95 се регистрирани во Албанија и Грција, каде литар се продава за 125 денари.
Според споредбата, Македонија има најевтин дизел, додека Босна и Херцеговина е земјата со најевтин бензин 95 во регионот.