Македонска берза официјално започна нов проект за подготовка на домашните компании за финансирање преку пазарот на капитал, со поддршка од Европската банка за обнова и развој. До десет компании ќе добијат професионална проценка на нивната подготвеност за издавање акции или обврзници, како и специјализирана обука за раководителите. Директорот на Берзата, Иван Штериев, изјави дека компаниите не треба да се потпираат само на банкарските кредити, туку да го користат и пазарот на капитал како алтернатива за финансирање. Рокот за аплицирање во проектот е до 1 септември, додека ЕБОР ќе обезбеди дополнителна поддршка за компаниите што ќе одлучат да реализираат иницијална јавна понуда, позната како ИПО.
НАЈНОВИ ВЕСТИ
