Македонската репрезентација попладне ќе ги добие противниците во квалификациите за ЕП 2022

Македонската ракометна репрезентација попладне ќе ги дознае противниците за квалификациите за Европското првенство 2022 што ќе се одржи во Унгарија и Словачка во период од 13 – 30 Јануари 2022.

Извлекувањето на групите ќе почне во 17 часот. Вкупно 32 репрезентации ќе учествуваат во квалификациите, а пред извлекувањето репрезентациите се поделени во четири шешири.

Шешир 1: Норвешка, Шведска, Данска, Германија, Франција, Словенија, Чешка, Исланд.

Шешир 2: Австрија, Белорусија, Португалија, С. Македонија, Србија, Русија, Црна Гора, Холандија.

Шешир 3: Швајцарија, Литванија, Романија, Босна и Херцеговина, Украина, Летонија, Полска, Белгија.

Шешир 4: Финска, Италија, Турција, Израел, Естонија, Грција, Косово, Фарски Острови.

Пласман на ЕП обезбедуваат првите две репрезентации од сите групи, како и четири најдобро рангирани репрезентации кои ќе завршат на третото место во групата.

Директен пласман на ЕП 2022 обезбедија репрезентациите на Унгарија (домаќин), Словачка (домаќин), Хрватска и Шпанија (финалисти на ЕП 2020), додека 32 репрезентации ќе се борат за преостанатите 20 слободни места за ЕП 2022.