Екипата на Манчестер Сити со победата над Вест Хем во последното коло од англиската Премиерлига, се закити одново со титулата, и со тоа влезе во историјата како прв тим кој успеал четири пати последователно да стане шампион на Англија.
На „граѓаните“ им требаше победа во последното коло, и ја остварија над Вест Хем со 3-1. Два гола постигна Фоден, еден Родри, додека за Вест Хем погоди Кудус.
Арсенал беше исто така во игра за титулата и играше дома со Евертон. „Топчиите“ победија со 2-1, но не стигна позитвна вест од Манчестер, односно Вест Хем не требаше да загуби, за Арсенал да слави.
Лутон, Барнли и Шефилд Јунајтед испаднаа од Лигата. Во Лигата на шампионите покрај Манчестер Сити и Арсенал, одат и Ливерпул и Астон Вила.
Во Италија, пак, Интер ја доби титулата освоена пред неколку кола. Денеска „нероазурите“ го играа последниот домашен натпревар во шампионатот, а потоа следуваше големо славје. Ова беше 20-то Скудето за фудбалерите на Интер.
