На Клиниката за ТОАРИЛУЦ годинава нема примено пациенти со тешки повреди од скокање во плитка вода, освен момчето кое се повреди во Турција, информира директорот д-р Игор Мерџановски.
Тој нагласи дека превентивните кампањи за безбедно однесување треба да продолжат, особено меѓу младите, но и кај родителите.
Мерџановски апелираше да не се скока во базени и непроверени води, а доколку се практикуваат вакви активности, тоа да биде исклучиво во контролирани услови и под стручен надзор.
Според него, ваквите несреќи најчесто предизвикуваат тешки повреди на вратните пршлени и ’рбетниот мозок, кои се меѓу најсериозните трауматолошки повреди. Во најголем број случаи тие се неповратни и можат да остават траен инвалидитет.