Премиерот Христијан Мицкоски изјави дека ја поддржува идејата на претседателката на Републиката, Гордана Сиљановска Давкова, дека покрај пратениците, двојното државјанство треба да се забрани и за извршната власт, имено за министрите, но и за претседателот.
Мицкоски рече дека тој лично има само македонско државјанство.
„Ако правните експерти, уставно-правните експерти велат дека нема проблем, тогаш јас апсолутно го поддржувам тоа. Јас немам двојно државјанство, ниту пак имам намера да имам двојно државјанство. Моето државјанство е Македонско, и нека се прошири ако законот и Уставот го дозволуваат тоа“, рече Мицкоски.