Лидерот на ВМРО-ДПМНЕ, Христијан Мицкоски ја прифаќа подадената рака на Зоран Заев, односно прифаќа избори на 15-ти јули.
„На изборите на 15 јули, среда ќе учествува ВМРО-ДПМНЕ и заедно со народот ќе го победи изворот на кризата Зоран Заев и СДСМ. Двата услови кои ги баравме се прифатени, прво протоколи за заштита на здравјето на граѓаните, второ мисија на ОБСЕ и ОДИХР за заштита на волјата на граѓаните.“, напиша Мицкоски на Фејсбук.
Тој вели дека Македонија се наоѓала во лоша состојба, силно нападната покрај економска и со силна здравствена криза. За да сето ова престане еден бил излезот, а тоа е убедлив пораз на Заев и СДСМ.
„Македонија овие три години не успеа, доживеа порази на економско, здравствено и политичко поле. Време е да се стави крај на сето ова, време е за промени, а Македонија да излезе посилна. Време е да вратиме за сите криминали, неправди, за сите лаги и измами, тендери и рекети. Заев и неговата свита се готови. Одговорот е кај народот, а тој ќе покаже дека Македонија е посилна од нив!“, додава Мицкоски.