Мицкоски: Се отвори ски центарот „Михајлово“

Денеска се отвори ски центарот „Михајлово“ во Кавадарци.

На терен присутен беше и премиерот Христијан Мицкоски кој заедно со градоначалникот на Кавадарци, Митко Јанчев го отворија центарот.

„Ова е исклучително голема можност за кавадарчани, но не и само за кавадарчани туку од сите краеви на државата да дојдат да уживаат во овие прекрасни природни убавини, да се рекреираат и навистина би сакал ова да биде еден почеток само, а понатаму уште повеќе да се развива и самото место и самиот регион затоа што навистина самата планина и сето ова коешто е околу оваа ски- стаза е нешто што претставува природна реткост.

Така што уште еднашка еве да не должам кажа градоначалникот се, дозволете да му честитам на него, на сите они кои што ја подржуваат работата, на пратениците од македонскиот парламент, членовите на македонската влада, советниците, администрацијата во општина Кавадарци, општествено одговорните компании, сите буквално кои што придонесуваат со својот ангажман во тоа да Кавадарци како општина навистина претставува едно прекрасно место за живеење.

Ние како Влада и во иднина ќе продолжиме да помагаме. Сега во февруари ќе биде објавен и новиот повик до општините за да аплицираат со нови проекти кои што ќе бидат финансирани од страна на Владата. 

Така што заеднички кога се работи, успехот е тука. Уште еднашка честитки и со лесно нека се користи, со убаво нека се користи оваа ски- стаза“, вели Мицкоски.