Мобилниот телефон на Мане Трифуновски кој беше возачо на автобусот кој пред два дена изгуби контрола и излета од патот при што во смрт однесе 14 лица е предаден во Обвинителството каде ќе се проверува дали бил користен за време на несреќата.
Обвинителството преку листинзи од мобилниот оператор ќе ги проверува повиците и користењето на мобилниот интернет.
Првичните информации од досегашната истрага се од тахографот вграден во автобусот, дека пред да излета од автопатот возел со брзина меѓу 80 и 85 километри на час. Машински инженери ќе проверат дали уредот за мерење брзина била исправен пред да се случи несреќата.
Трифуновски беше на разговор во полицијата, а анализите од крв и урина покажаа нема присуство на алкохол и дрога.
Преку распит на преживеаните патници ќе се испитува дали разговарал со некого во автобусот или нешто друго му го одвлекло вниманието.