Министерот за надворешни работи, Тимчо Муцунски, оствари средба со вршителката на должноста амбасадор на САД во Северна Македонија, Никол Варнес.
На средбата беа потврдени добрите билатерални односи и стратешкото партнерство меѓу двете земји, изградено врз меѓусебна доверба и заеднички интереси.
Муцунски упати честитки по повод 250-годишнината од независноста на Соединетите Американски Држави, истакнувајќи го значењето на американската демократија и нејзините темелни вредности.
На средбата се разговараше и за подготовките за Самитот на НАТО во Анкара, како и за спроведувањето на заклучоците од претходниот самит во Хаг и приоритетите на Стратешкиот дијалог меѓу двете земји.