Секторот за компјутерски криминал и дигитална форензика започнувајќи од почетокот на месец март се фокусирал на следење интернет содржини на социјалните мрежи и интернет портали во рамките на своите надлежности со цел детектирање говор на омраза, загрозување на сигурност и повикување на насилство, ширење на лажни вести со цел предизвикување на паника во врска со ширење на вирусот Ковид-19, при што се прават анализи дали постојат елементи од членовите 205 и член 206 од Кривичникот законик за што се известува Основното Јавно обвинителство.
„Од Секторот за компјутерски криминал до Основното Јавно обвинителство поднесени се три кривични пријави од кои две кривични пријави по чл.144 ст.4 и една кривична пријава по чл.394-г и чл.144 ст.4 како и 31 известување. Исто така поднесени се 20 известувања и тоа: СВР Скопје– 4, СВР Куманово – 3, СВР Штип -2, СВР Тетово -2, СВР Битола -5, СВР Охрид -2, СВР Велес– 1 и СВР Струмица -1“, велат од МВР за ТВ21.