Археолозите кои работат на албанскиот брег на Охридското Езеро се убедени дека го пронашле најстарото човечко живеалиште изградено на езеро во Европа.
Тие велат дека откриле докази за организирана ловџиска и земјоделска населба која постоела пред 8.000 години.
Тимот составен од албански и швајцарски научници секој ден поминува неколку часа три метри под вода, макотрпно извлекувајќи дрвени потпорници на куќи.
Тие, исто така, собираат коски од домашни и диви животни, бакарни предмети и керамика со детални резби.
Повеќе студии покажуваат дека Охридското Езеро е најстарото езеро во Европа, старо над милион години.
Албанскиот археолог Адријан Анастаси рече дека можеби ќе бидат потребни децении за целосно да се истражи областа.