Официјален дочек на Нова година оваа година ќе изостане, но затоа на големо се издаваат објекти за приватен дочек.
За еден таков се интересирав и јас.
Новинар: Се јавувам за оглас, на интернет гледам, за издавање на просторија за нова година.
-Да, само мајка ми сега не е дома, кога ќе се врати ќе ви ја дадам.
Новинар: Добро, дали може да ми кажете локација и големина?
-Тоа е во Драчево, голем е просторот…
Новинар: Тука пишува 100 метри квадратни?
-Па да толку е
-А вие колку души отприлика ќе бидете?
Новинар: Па ние сме околку 25-26
-А од каде сте?
Новинар: Скопје, Кисела Вода
-А возраст, дали сте над 18?
Новинар: Да, да над 20, над 25
Вакви случаи има уште многу. А има и објекти кои нудат капацитет и над 40 луѓе. За Министерството за внатрешни работи ова е познато. Велат дека имаат индиции, а ќе спроведат и акција.
„Ги следиме посебно издавање на објекти за прослава на празниците. И веќе имаме одредени сознанија, и сериозно ќе преземеме мерки“, велат од МВР.
На јавен простор е забрането групирање на повеќе од четири лица. Изостанувањето на прославите дополнително ќе удри и врз така кревката економија поради коронавирусот.
Значително е намален, а во одредени месеци и воопшто нема регистрирани туристи во нашата земја. Ако минатата година во месец септември сме имале 89.569, оваа година имаме само 6.995.
Од Министерството за здравство и Комисијата за заразни болести ќе се чекаат предлог мерки како да се постапи за време на новогодишните празници, но нивниот став дека нема потреба од полициски час останува и натаму.