Повторно растат цените на дериватите. Регулаторната комисија за енергетика одлучи бензините да поскапат за 7 денари, а дизелот за 6,5 денари за литар.
Бензините Еуросупер БС-95 и Еуросупер БС-98 од полноќ ќе се продаваат за 86,5 денари за литар и 88,5 денари. Цената на дизелот за еден литар е 92 денари. И екстра лесното масло за домаќинство поскапува за седум денари и ќе се продава за 89,5 денари за литар.
„По информацијата дека од полноќ цените на дериватите повторно ќе поскапат, граѓаните повторно се во редици на бензинските пумпи каде чекаат да наполнат колку што ви даваат. Некаде даваат ограничена сума од 1.000 денари, но има и бензински пумпи коишто се опаметија по интервенцијата на Државниот пазарен инспекторат, така што граѓаните не се ограничени да полнат автомобилите и големите возила колку што сакаат“, пренесува репортерот на ТВ21, Аднан Ќаили.
„Скапо е, што да правам сега по оваа светска криза, само се надевам дека ќе направат малку толеранција со акцизата и ДДВ-то за да се одбие би било подобро. Колку е тешко за семејниот буџет? Сега треба да го наполнам и да не го возам еден месец. Има ли ограничувања во количината? Не, ни даваат колку сакаме“, вели граѓанин.
„Се знаеше дека ќе поскапи и од полноќ уште ќе се зголемува цената. Колку е тежок семејниот буџет, секако дека е оптоварен со овие поскапувања, еве ќе одам на работа до дома. Нема да можам да си дозволам да патувам со автомобил“, вели друг граѓанин.
Граѓаните размислуваат да ги остават автомобилите во гаражи и да бараат други превозни средства. Сепак, има и такви кои донеле одлука да се движат со алтернативни средства, како велосипед.
„Им предлагам да не ги користат автомобилите без потреба, туку само во случаи кога апсолутно мораат“, вели граѓанин кој управува велосипед.
„Секако дека ќе размислам, но сè уште не знам што да правам, можеби друг начин на превоз, живеам далеку, па дефинитивно морам да го пратам детето на училиште, па немам друг избор, морам да одам со кола“, вели граѓанин со автомобил.
Од Регулаторната комисија за енергетика велат дека денешната одлука за цените на нафтените деривати е резултат на растот на цените на нафтените деривати на берзата, како и на континуираниот раст на доларот во однос на денарот во изминатиот петдневен период.
„Истовремено, РКЕ им дава инструкции на нафтените компании да ги намалат малопродажните цени за 2 динари по литар, согласно попустот што го договори Владата со главниот снабдувач ОКТА, што ќе им овозможи на граѓаните директно да ги почувствуваат придобивките од ова намалување“, велат од РКЕ.
Од Државниот пазарен инспекторат велат дека проверките продолжуваат на терен и засега постапуваат по поплаки на граѓаните, за да не се скријат резервите на деривати кои по полноќ ќе се продаваат по новата цена. Заклучно со трите мартовски понеделници, цените на дериватите се зголемени за близу 25%, но надлежните велат дека и понатаму остануваме најевтини на Балканот и Европа.