Огромни шумски пожари беснеат во јужна Турција, во близина на познатиот турски туристички центар Анталија.
Снимките покажуваат дека неколку шуми се зафатени со огромни пожари, а пожарникарите се борат да ги локализираат.
Најмалку едно лице е загинато, а преку 60 се повредени, додека на одредени места е наредена евакуација.
„Пожаро се наближува до градот. Уште повеќе се шири со ветрот. Не е можно во моментов да ја одредиме висината на штетата. Штетата е огромна во селата. Вакво нешто не сме виделе до сега“, рече градоначалникот на Анталија, Шукру Созен.
Во моментов пожарите се локализираат со авиони, 19 хеликоптери, 108 возила и 400 пожарникари.