Еден човек загина, а уште две лица се повредени во напад со нож во јужен Лондон, соопшти полицијата.
Според Метрополитен полицијата, нападот се случил во неделата наутро на East Street Market, недалеку од Walworth Road во јужен Лондон, пишува BBC.
На местото на настанот биле пронајдени три повредени лица, од кои едното починало на местото на настанот. Останатите двајца – маж и жена се пренесени во болница, а нивната здравствена состојба засега не е позната.
Уапсен е маж на околу 60 години.
За жал, еден маж утрово го загуби животот, а нашите полициски службеници интензивно работат на утврдување на сите околности на овој настан и поддршка на неговото семејство. Моите мисли и искрено сочувство се со нив, како и со повредените“, изјави полицискиот командант Питер Стивенс.
„Полициските службеници брзо уапсија човек кој е осомничен за овој напад. „Истрагата е во тек, но во моментов не бараме други осомничени“, вели тој.
Детективите потврдија дека овој напад не го третираат како терористички акт.
Полицијата работи на утврдување на идентитетот на убиениот за да го извести неговото семејство.
„Сакам да им се заблагодарам на оние кои веќе го споделија своето знаење со полицијата. „Ги повикувам секој кој има информации, снимки или бил сведок на овој настан, а се уште не разговарал со полицијата, да контактира со нас“, додаде командантот Стивенс.