Навивачи ќе одат во затвор поради расистички навреди кон фудбалерот на Реал Мадрид Винисиус

ПОСЛЕДНИ ВЕСТИ

Тројца навивачи на фудбалскиот клуб Валенсија се осудени на осум месеци затвор поради расистички навреди кон играчот на Реал Мадрид Винисиус Жуниор.

Овие навивачи, кои ја признаа вината, добија и две години забрана за влез на фудбалските стадиони, се вели во соопштението за печатот од судот во Валенсија.

Навивачите беа приведени по натпреварот од шпанската лига помеѓу Реал Мадрид и Валенсија на Местаља во мај 2023 година. Натпреварот беше и накратко прекинат поради навреда на Винисиус.

Тоа е прва пресуда за расистички навреди на фудбалските стадиони во Шпанија.