Комисијата за заштита на конкуренцијата (КМК) продолжува со теренските инспекциски надзори за спроведување на новиот Закон за забрана на нелојални трговски практики. При инспекциските надзори во неколку центри за собирање овошје и зеленчук, констатирани се голем број прекршувања во односите меѓу купувачите и земјоделците.
Според Комисијата, инспекциите покажале дека некои компании купиле земјоделски производи без писмени договори, додека во други случаи договорите не ги содржеле задолжителните елементи предвидени со закон. Исто така, биле утврдени неконзистентности помеѓу законските обврски и условите предвидени во договорите.
Од КМК велат дека овие неправилности директно влијаат врз транспарентноста на пазарот и заштитата на земјоделците, кои често се во послаба позиција во однос на големите купувачи. Тие предупредуваат дека ќе продолжат со надзор и дека ќе бидат преземени мерки и санкции против субјектите каде што ќе бидат утврдени прекршувања во согласност со законот.