Градоначалникот на Кичево, исто така член на високото раководство на ДУИ, Фатмир Дехари, зборувајќи за изборите во Советите и претседателите на ограноците на ДУИ, беше критичен кон внатрепартиската демократија, велејќи дека не е во ред младите да трчаат да зачленат што повеќе луѓе, дури и постарите, само за да се обезбедат гласови.
„Во овој процес би сакал пред се да владее и доминира човештвото, меѓусебното почитување, за на крајот да имаме мирен избор, да го наречеме демократија, тоа може да биде многу голема демократија за Артан но јас го кажав мојот пристап, имам право да ги кажам моите дилеми, ова нека биде порака за сите“, вели Фатмир Дехари.
Зборувајќи за преписките во ДУИ, а особено за оние кои доведоа до создавање на фракција во партијата, таканаречената „Огнена група“, Дехари рече дека не мисли дека тие се самоисклучиле, бидејќи според него напуштањето на партиски состанок не значи самоисклучување. Цело време тој повика на помирување, додека пак рече дека враќањето на Огнената група во партијата ќе биде во најдобар интерес на сите.
-Ми кажувате дека Огнената група се враќа во ДУИ?
„Зошто да не се вратат, секогаш им велам да се вратат, сум им кажал и им кажувам да се вратат, секако дека треба да се вратат. Дали ќе се вратат, тоа е нешто друго, но за наше општо добро и за доброто на граѓаните велам дека треба да се вратат“, додава Дехари.
Што се однесува до неговиот сопартиец Рамиз Мерко, кој беше прогласен за персона нон грата од САД, но и понатаму ја извршува функцијата градоначалник на Струга, Дехари рече дека од морални причини Мерко би требало да поднесе оставка.