Универзитетот „Св. Кирил и Методиј“ – Скопје официјално го започна работењето со новиот состав на Универзитетскиот сенат, кој ќе има мандат во периодот од 1 јули 2026 до 1 јули 2029 година.
Новиот состав на Сенатот е конституиран по седницата одржана на 23 јуни 2026 година, со што започна функционирањето на највисокото академско тело на Универзитетот во новиот мандатен период.
Од УКИМ информираат дека Универзитетскиот сенат ќе ги извршува своите надлежности во согласност со законските прописи и Статутот на Универзитетот, носејќи одлуки од значење за академскиот и институционалниот развој.
На конститутивната седница, по спроведеното гласање, за претседател на Универзитетскиот сенат со едногодишен мандат е избран проф. д-р Владо Бучковски од Правниот факултет „Јустинијан Први“.