Сите кои фрлаат стара, дотраена облека и чевли во корпа за отпад, наскоро ќе мора да ги сменат своите навики, бидејќи од 1 јануари 2025 година би можеле да платат казна. Ова важи за Германија, каде живеат многу Македонци.
Од 1 јануари 2025 година ќе стапи на сила новата директива на ЕУ со која се наложува посебно собирање на текстил. Тоа значи дека текстилот повеќе не смее да завршува во отпад од домаќинството.
Наместо тоа, компаниите за управување со комунален отпад ќе мора да обезбедат посебно отстранување на текстилниот отпад за да може материјалите дополнително да се рециклираат. Целта е да се направи текстилната индустрија поодржлива и да се зголеми стапката на рециклирање во ЕУ.
Од 2025 година, носената и неносената облека ќе мора да се отстранува во контејнери за користена облека. Целата облека и текстил ќе треба да се фрлат во контејнери за користена облека, вклучувајќи истрошени или оштетени ткаенини.
Секој што сè уште ја фрла облеката во мешаниот отпад, ризикува општинските работници да не ја испразнат кантата, а исто така и да заработат казна ако бидат „фатени“.