Новиот јужнокорејски претседател Ли Џе-мјунг денес вети дека ќе ги обнови разговорите со Северна Кореја и ќе го зајакне трилатералното партнерство со САД и Јапонија, поставувајќи ги клучните политички цели за неговиот петгодишен мандат. Тој вети дека ќе се бори против нееднаквоста и корупцијата.
Мандатот на Ли започнува денес, а тој беше избран на избори распишани по соборувањето на Џун Сук Јеол поради неговото неуспешно воведување вонредна состојба кон крајот на минатата година.
Во својот инаугуративен говор пред Националното собрание, Ли рече дека неговата влада „силно ќе одговори“ на нуклеарните закани од Северна Кореја и потенцијалната воена агресија. Но, тој рече дека ќе „отвори комуникациски канал со Северна Кореја и ќе воспостави мир на Корејскиот Полуостров преку разговори и соработка“.
Тој, исто така, рече дека ќе се стреми кон прагматична дипломатија со соседните земји и ќе ја зајакне трилатералната соработка меѓу Сеул, Вашингтон и Токио врз основа на силната соработка меѓу Јужна Кореја и САД.