Светски познатата „Фонтана ди Треви“ во Рим е повторно отворена по тримесечна реставрација.
Италијанскиот архитект Никола Салви ја изградил во 18 век во близина на палатата Поли, а ова обележје е едно од најпосетуваните места во главниот град на Италија.
Помеѓу 10.000 и 12.000 туристи ја посетуваа фонтаната секој ден, но беше поставен нов систем на редици за да се спречи пренатрупаноста.
Градоначалникот на Рим, Роберто Гуалтиери, рече дека ограничувањето „ќе им овозможи на сите да уживаат во погледот на фонтаната, без гужви“.
Градските власти исто така размислуваат да наплатат влезница за финансирање на одржувањето на фонтаната, додаде тој.
На повторното отворање во неделата присуствуваа неколку стотици туристи, од кои многумина му се придружија на градоначалникот на Рим во фрлањето паричка во фонтаната, што е древна традиција.