Во еден агол на Бит Пазар во Скопје, повеќе од 50 години, едно семејство ја чува слатката традиција.
Со приближувањето на празникот Бајрам, оваа мала продавница добива посебна живост. Верните муштерии се враќаат секој празник за свежи кори, кадаиф и јуфки.
За ова семејство, овој занает не е само начин на живот, туку и одговорност да се зачува традицијата.
-Околу 50 години, уште кога мојот покоен дедо беше жив, тој го отвори дуќанот, а татко ми го водеше со своите двајца браќа, и така се пренесува од генерација на генерација, од колено на колено и традицијата продолжува. Се трудиме муштериите да бидат задоволни, со квалитет и секогаш да ги имаме најдобрите кори. За празници има најмногу работа, а бидејќи во Македонија имаме многу празници, секогаш има работа … не со овој интензитет како за Бајрам, но редовно има работа, изјави сопственикот на дуќанот, Елдин Казими.
Има клиенти кои веќе 10 години по ред доаѓаат во овој дуќан, бидејќи, како што велат, производите тука се свежи и најдобри.
Баклава и ореви … сè уште подготвувате баклава дома? Ги купуваме готови и ги подготвуваме, бидејќи за традиционална подготовка има многу работа, вели граѓанин.
Тука е најдобро, тука купуваме и навикнати сме, посигурно е. Колку години купувате тука? Откако паметам. Приближно? Според мене, веќе 10 години купувам тука, вели друг граѓанин.
Секоја година купуваме тука, прекрасни се, да направиме малку реклама – навистина се одлични, вели граѓанин.
Тука корите за баклава се најдобри од сите места, само тука купуваме. Колку долго купувате тука? Ооохо … многу долго, со години, вели граѓанин.
И покрај бројните предизвици на модерното време и фактот што традиционалните занаети стануваат сè поретки, ова семејство останува решено да го продолжи патот започнат пред децении.