Доколку не знаете како да го искористите стариот леб, наш предлог е да направите брза пица
Нема кој не сака пица, а ако често ви останува леб, не го фрлајте, користете го наместо подлога.
Лесно и брзо ќе добиете појадок или вечера, а нема да трошите храна. Со ова јадење особено ќе се воодушеват домашните.
Состојки:
- 12 парчиња бајат леб
- 200 гр сирење
- 100 гр шунка
- 100 гр сланина
- 100 гр печурки
- 4 лажици кечап или пелате
- 2 јајца
- 1 чаша кисела павлака
- маслинки
- оригано
Подготовка:
Лебот наредете го во поголем плех кој претходно сте го намачкале со малку масло или маргарин.
Изматете цели јајца со павлака и со него премачкајте го лебот, а одозгора ставете кечап. Одозгора наредете ја шунката, сланината и печурките, па над се изрендајте го сирењето. По желба додадете маслинки и оригано.
Печете на 200 C околу 20 минути.