Веб страницата на која граѓаните ќе може да се пријават за вакацинација ќе биде во функција од утре. Системот најпрво ќе ги прима лицата со приоритет, односно лицата со хронични болести.
Но министерот за здравство Венко Филипче не знае кога ќе стигнат во земјава вакцините од компанијата Фајзер, иако премиерот Заев вчера ги најави за во текот на следната недела. Филипче додава дека тоа што е сигурно е набавката на 200 илјади кинески вакцини од Синофарм. Овие вакцини се очекува да пристигнат на скопскиот аеродром во текот на месецов.
Во меѓувреме се подготвуваат пунктовите на седум клиники во Скопје. Во првата фаза ќе се вакцинираат здравствените работи. До сега се пријавиле 4 илјади здравствени работници за вакцина против Ковид 19.
Инаку кинеските вакцини ќе се чуваат во фрижидерите кои се поставени во просториите на Здравствен дом Скопје. Оптималната температура за чување на вакцините кои се очекува да пристигнат во Северна Македонија овој месец е од 3 до 8 степени Целзиусови.